Gildi Kerhólsskóla eru
gleði,
jákvæðni og
virðing.
Við finnum
gleðina í því sem við tökum okkur fyrir hendur dags daglega. Skólastarfið er stór hluti af lífi nemenda og því mikilvægt að lögð sé áhersla á lífs- og starfsgleði í námi og leik. Góð líðan, öryggi og virk þátttaka allra eru forsendur þess.
Þegar við mætum verkefnum okkar með
jákvæðu hugarfari stuðlum við að betri líðan og okkur gengur betur að leika og starfa saman. Jákvæðni hjálpar okkur að takast á við áskoranir og erfið verkefni.
Við sýnum sjálfum okkur
virðingu með því að koma vel fram við líkama og sál; hvílast, nærast, hreyfa okkur, leita aðstoðar og með því að gera ekki of miklar kröfur á okkur sjálf.
Við sýnum öðrum
virðingu með því að koma vel fram við aðra, virða rétt þeirra og hlusta á skoðanir og sjónarmið annarra.
Við sýnum umhverfinu
virðingu með því að ganga vel um umhverfið, innandyra sem utan og fara vel með eigur skólans og annarra.
